又一城間戲院有人接棒啦！MCL 今日正式公布，將會於2016 年登陸又一城，正式接手現時嘅又一城 AMC 戲院。
AMC 又一城戲院日前於 Facebook 公布，由於租約屆滿，將於 1 月 3 日後結束營業。MCL 今日則宣布會接手營運又一城戲院。有關 MCL 又一城新院詳細開幕時間、易手後票價等詳情，官方一律未有公布，亦未有透露易手原因及所涉金額，只表示新戲院將於 2016 年裝修後，將以「新穎設計及先進數碼影院設備」與觀眾見面。
MCL 洲立影藝有限公司近期積極擴張，早前亦接手經營銅鑼灣皇室堡原屬 UA 的皇室戲院，9 月 26 日正式開張；連同剛公布的又一城新院，MCL 院線數目已增至 8 間。至於 AMC 院線則由兩間減至只剩 AMC Pacific 一間，AMC 又一城為 AMC 旗下在香港首間開張的戲院，於 1998 年開始營業，2006 年 1 月起交由 Suntech International Management Limited 接手管理，設有 7 個影院，提供共 1,193 個座位。
來源：MCL Facebook, AMC Facebook