過江龍叫車 App Uber 經常行銀彈政策，大搞優惠，繼免費坐的士同貨 Van 後，今次就宣布Uber 貨 VAN 收費即日起全線七折，直至另行通知。
車費七折，係咪真係平過其他對手呢？先說明一下，Uber 貨 VAN 的收費方法與一般傳統 Call Van 台或 Call Van App 有別；Uber 的收費方式以時間和路程計算，比較近似的士的收費模式，但卻沒有任何其他附加費。而一般的 Call Van 台則是以點對點的收費模式，不同的地點有不同的收費價目表，另加隧道費、停車場費、搬運費等附加收費。Uber 貨 VAN 七折後，中長途的車程收費其實與 GoGoVan、EasyVan 等 Call Van App「睇齊」，反而短途的收費比另外兩間對手平宜。舉例說，由紅磡去西貢，三者收費均為約 $130。而由石澳到太古，GoGoVan 與 EasyVan 收費約為 $105，但 Uber 只需 $73，平足 30%。加埋首次乘搭會有 $100 免費優惠，相信又會吸引唔少新客仔。
 |
 |
圖左為 EasyVan 紅磡去西貢收費估價，圖右為同樣路程 Uber 的收費估價，可見兩者收費相近。
 |
 |
圖左為 GoGoVan 石澳到太古收費估價，圖右為 Uber 同樣路程估價，平了足足 30%。
延伸閱讀：Uber 叫車全方位教學＋三個必學小貼士
