更多

    小五視障學生想打機 任天堂回信

    打機,可能對大家嚟講係家常便飯、早午晚餐,比女朋友老婆更重要的精神食糧,但對部分人嚟講,未必係一件易如反掌既事。日本一個小學五年級嘅小朋友酒井響希就係視障人士,佢早前去信任天堂,話自己都好似其他人一樣好想打機,但就只得一隻遊戲玩,就係《節奏天國》(Rhythm Tengoku),希望任天堂可以為視障人士開發更多遊戲。任天堂收到呢位特別嘅小顧客意見後,亦相當重視,認真回信!



    酒井響希的爸爸在 Twitter 上公開了兒子的信,以及任天堂的回信。酒井響希自兩歲起完全失去視力,但他在信中表示,自己同其他小朋友一樣喜歡打遊戲,不過唯一能夠玩的遊戲就只有 2006 年發行的節拍遊戲《節奏天國》,也是他唯一能夠和朋友一起玩的遊戲。雖然如此,但酒井小朋友有一樣嘢比其他人叻,就係相當精於此遊戲,不論是 GBA、NDS、Wii 還是 3DS 版本,他都統統獲得「Perfect」的佳績。他希望任天堂可以增加《節奏天國》的難度之餘,也為其他視障人士開發更多遊戲。
    任天堂收到這封來自特別的小粉絲的信後,也特意分別用凸字及普通印刷回信。回信中感謝酒井響希寄來感動人心的信,又表示很高興知道他喜歡《節奏天國》遊戲系列,並指會將他的來信轉交開發部門。對於任天堂的回信,酒井小朋友的爸爸在 Twitter 表示喜出望外,認為一間公司願意花時間回應一個小粉絲的來信,說明公司重視顧客。酒井響希現時仍要繼續進行眼部手術,他父親形容「日子充滿淚水和痛苦」,但愛兒教懂他眼盲心不盲。希望任天堂將來推出更多無障礙遊戲,等人人有機打,為酒井響希同其他視障小朋友打打氣。


    酒井響希音樂感特別強,仲非常鍾意打鼓,曾於大阪演出。
    來源:Twitter

    您會感興趣的內容

    相關文章