早前因硬碟掘礦的加密貨幣「奇亞幣」推出，腦場一度出現硬碟搶購潮。除了炒賣，同時也令到購買者需要跟機出貨，而高速 SSD 也受牽連。
當中最搶手是可掘礦的 PCIe 4.0 SSD ，原本兩大品牌 Samsung 及 WD 一度在二千尾至三千頭就有 2TB ，但炒賣期間，定價就差點升過 $4,000 。不過近日中國嚴打礦場，除了令顯示卡終於有所跌價外，同時間硬碟及 SSD 價格也輕微回落，剛才所講到的兩款 SSD 中， Samsung 980Pro 2TB 就回落到 $3,980 有交易，但仍然離早前 $3,400 左右價位有一段距離。值得一提，就算貴也不要貪平買二手渠道的「礦卡」，因沒保用好容易得不償失。