之前筆者試過於飛機上使用漫遊數據，效果有驚喜，感覺同用飛機的Wi-Fi差不多，而今次坐飛機目的地正是日本，是關筆者會於日本關西、關東不同地點，試試現時漫遊數據在實際應用，以及速度上有如何表現，第一站就由關西開始。

於關西機場一到埗落地後，就要準備《Visit Japan Web》QR Code 過關，這時已收到5G訊號，載入 《Visit Japan Web》頁面相當快。過了海關就拿回自己的行李，通常大家都會趁等行李的時間查一查火車班次，以免送車尾。在關西機場行李輸送帶位置打開如《NAVITIME》等查詢交通的應用程式搵火車時刻，反應相當快，即時就出結果。不過關西機場部份位置收訊情況有輕微不穩，如行李輸送帶位置收到5G，但大堂部份位置就收4G網絡，但大致上不會影響使用體驗。

來到大阪，心齋橋「固力果人」位置當然是必到的打卡位，適逢當時日本國家足球隊打入16強，周圍也是宣傳，筆者便拍下短片上載至Instagram stories 中。在使用SmarTone 5G 漫遊數據整個體驗都相當之快，幾秒就可以上載完成，另外也用 Tabelog 在附近「搵食」，用SmarTone 5G漫遊數據下可即時載入網站，毋須久等。

去得關西又點止會行心齋橋同飲飲食食，亦會去行行公園、去藥妝店搜羅心水好物，甚至去環球影城玩足一日。筆者於大阪城、通天閣及黑門市場三個地方打卡，又或者等隊友在藥妝店掃貨時睇睇YouTube，以及在環球影城門口才下載專屬App，方便睇睇那個遊樂設施不用排太久，SmarTone 5G 漫遊數據都相當「給力」，例如睇片時「拉前拉後」都可以即時載入冇延遲問題，網絡體驗夠快亦穩定，同在香港使用5G 網絡分別不大。

大家都會稱「京阪神」是關西必玩地區，雖然今次未有到神戶走走，但就順道去京都，追趕紅葉的尾巴，順便去素有「京都廚房」稱號的錦市場搵食。不論是在清水寺人山人海時用Instagrm 開Live 拍攝美景予身在香港的朋友觀看，又或者在錦市場邊食邊打卡，SmarTone 5G漫遊數據都給予筆者反應快、速度高的操作體驗。

關西的部份就此完結，下回就會北上到東京繼續航程。究竟SmarTone 5G漫遊數據於東京表現會係點？記得留意報導之餘，再同大家重溫一次 SmarTone 推出全新「漫遊數據多日通」，分為 7 日或 14日，以及有亞太區與環球兩個版本可揀，每日平均只需 $23，即可享無限數據（首1GB用量為全速數據、其後數據用量傳輸速度不高於512kbps，亦可以 $30 加購 1GB 全速數據繼續使用）。

另外，即日起至 2023 年 1 月 3 日，SmarTone 客戶凡選購「漫遊數據多日通」，即可獲贈「到埗安心包」，在抵埗當天可免費使用漫遊數據，方便處理入住酒店、租車或其他網上服務。換言之選購7日多日通的客戶，其實是可享8日的服務，如此類推。未用的多日通有效期為一年，客戶可於SmarTone CARE應用程式內查閱多日通的有效日期，方便用戶留在下一次旅程使用。

伸延閱讀：